Ստանձնելով պարտավորությունները՝ Հայաստանը վերահաստատում է իր հանձնառությունը Տնտեսական և սոցիալական խորհրդին՝ որպես ՄԱԿ-ի համակարգի հենասյուն

ՄԱԿ ԳԱ 80-րդ նստաշրջանի լիագումար նիստին ՄԱԿ Տնտեսական և սոցիալական խորհրդի 2024-2025թթ. զեկույցի քննարկմանը, ՄԱԿ-ում մշտական ​​ներկայացուցիչ Պարույր Հովհաննիսյանը գոհունակոություն է հայտնել Տնտեսական և սոցիալական խորհրդի՝ 2025թ. նստաշրջանի ընթացքում կատարած համապարփակ աշխատանքի համար:

 

Հովհաննիսյանը շնորհակալություն է հայտնել Տնտեսական և սոցիալական խորհրդի 2025թ. նստաշրջանի նախագահին՝ իր արդյունավետ ղեկավարման և այս աննախադեպ տարում աշխատանքային հավակնոտ ծրագրով Խորհուրդը ղեկավարելու համար։

 

Դեսպան Հովհաննիսյանը ընդգծել է, որ ստանձնելով Տնտեսական և սոցիալական խորհրդի 2026թ. բյուրոյում իր պարտավորությունները՝ Հայաստանը վերահաստատում է իր հանձնառությունը Տնտեսական և սոցիալական խորհրդին՝ որպես ՄԱԿ-ի համակարգի հենասյուն, որը անփոխարինելի է 2030 օրակարգի առաջխաղացման, մեր համատեղ գործողությունների համաձայնեցվածության ամրապնդման և ի հայտ եկող մարտահրավերների նկատմամբ բազմակողմ համակարգի ճկունության ապահովման և արձագանքման համար։