Ռոնալդուն չի մասնակցի Հայաստանի հետ հանդիպմանը

Իռլանդիայի հետ 2026 թվականի Աշխարհի առաջնության ընտրական փուլի հանդիպման ժամանակ Պորտուգալիայի հավաքականի ավագ, հարձակվող Կրիշտիանու Ռոնալդուն 61-րդ րոպեին կարմիր քարտ է ստացել և հեռացվել խաղադաշտից։

Հեռացման պահին՝  իռլանդացիներն արդեն երկու գոլի առավելությամբ առաջ էին։ Խաղն այդպես էլ ավարտվել է՝ 2-0։

euro-football.ru-ի հաղորդմամբ, Ռոնալդուն  WhoScored-ից ստացել է 5.02 գնահատական, որը, ինչպես պարզվում է, նրա կարիերայի ամենավատ գնահատականն է՝ հիմնվելով բոլոր այն խաղերի վրա, որոնց համար կայքը տվյալներ ունի (գրեթե 900): Ռոնալդուի նախորդ ամենավատ գնահատականը 5.11 էր՝ 2022 թվականին Հարավային Կորեայի դեմ խաղում: Ակումբային մակարդակում նրա ամենավատ գնահատականը 5.31 էր՝ «Վալենսիայի» դեմ խաղում:

Իռլանդիայի դեմ խաղից առաջ Ռոնալդուն  երբեք չէր հեռացվել Պորտուգալիայի հավաքականի կազմում:

Նշենք, որ նոյեմբերի 16-ին Հայաստանի հավաքականը հանդիպելու է Պորտուգալիայի ընտրանուն։ Այսպիսով, Ռոնալդուն բաց կթողնի այդ հանդիպումը։