«Փաշինյանական արդարադատություն»․ Մամիջանյանը՝ Antifake-ի հեղինակների կալանքի մասին

Դատարանն ապօրինաբար քաղաքական ճնշումների համատեքստում բացարձակ անհիմն 2-ական ամիս կալանքի դատապարտեց Antifake.am լրատվական ծառայության «Իմնեմնիմի» հաղորդման համահեղինակներ Վազգեն Սաղաթելյանին և Նարեկ Սամսոնյանին։ Փաշինյանական արդարադատությունը այլախոհների և այլակարծության հանդեպ շատ արագ է, ինչը չես կարող ասել հանցագործների հանդեպ, խորհրդարանական ճեպազրույցների ընթացքում հայտարարեց «Պատիվ ունեմ» խմբակցության ղեկավար Հայկ Մամիջանյանը։

«Այս ամենի նպատակը ոչ միայն անձամբ Վազգենին և Նարեկին լռեցնելն էր, այլ նաև՝ լրատվականի գործունեությունը կասեցնելը։ Սրա մասին տեղեկացնելու ենք մեր բոլոր միջազգային գործընկերներին։ Ինչպես նախորդ անգամ Վազգենի և Նարեկի ձերբակալության ժամանակ միջազգային արձագանքներն առկա էին, ակնկալում եմ, որ այս պարագայում նույն արձագանքը կլինի»,-ասաց Հայկ Մամիջանյանը։