«Իսկանդերի» բեկորներից վնասվել է Ադրբեջանի դեսպանատունը․ Զելենսկի

Ուկրաինայի նախագահ Վլադիմիր Զելենսկին հայտարարել է, թե այս գիշեր ռուսական կողմն արձակել է շուրջ 430 դրոն և 18 հրթիռ։

«Գիշերը ՌԴ-ն արձակել է շուրջ 430 ԱԹՍ և 18 հրթիռ։ Կա 4 զոհ և տասնյակ վիրավորներ։ «Իսկանդեր»-ի բեկորներից վնասվել է Ադրբեջանի դեսպանատունը»,- հայտարարել է նա։

Հարձակումների հիմնական թիրախը եղել է երկրի մայրաքաղաքն ու մի քանի շրջաններ։ Նրանք նաև հարվածել են Խարկովի և Օդեսայի մարզերին։ Վնասվել են Կիևի տասնյակ բարձրահարկ շենքեր։