ԵՄ-ն կոռուպցիայի պատճառով՝ կարող է վերանայել Ուկրաինայի էներգետիկ ծախսերը․ Politico

Եվրամիությունը հավանաբար կվերանայի Ուկրաինայի էներգետիկ ոլորտի ֆինանսավորումը՝ երկրում աճող կոռուպցիոն սկանդալի ֆոնին, հաղորդում է Politico-ն՝ հղում անելով ԵՄ աղբյուրին։

Հոդվածում նշվում է, որ Ուկրաինայի եվրոպացի գործընկերները «պահանջում են պատասխաններ» ծախսերի օրինականության վերաբերյալ հարցերին՝ էներգետիկայի ոլորտում խոշոր կոռուպցիոն սխեմայի բացահայտումից հետո, որը լվացել է գրեթե 100 միլիոն դոլար։ Բրյուսելը, ըստ տեղեկությունների, բաժանված է Կիևի սկանդալի պատճառով։

Անանուն եվրոպացի պաշտոնյայի խոսքով՝ Ուկրաինայում բացահայտված կոռուպցիան «անընդունելի» է և կարող է վնասել երկրի հեղինակությունը միջազգային գործընկերների շրջանում։

«Սա նշանակում է, որ Եվրահանձնաժողովը, անշուշտ, ստիպված կլինի վերանայել ուկրաինական էներգետիկ ոլորտի վրա ծախսերը», - ասել է նա։