Ճարպակալած մարդկանց՝ ԱՄՆ մուտք գործելու հավանականությունը կնվազի․ Սպիտակ տուն

Սպիտակ տան մամուլի քարտուղարի տեղակալ Աննա Քելլին հաստատել է առողջական խնդիրներ ունեցող զբոսաշրջիկների համար վիզայի սահմանափակումները, հաղորդում է Politico-ն։

Վիզաները կսահմանափակվեն ճարպակալմամբ, շաքարախտով և այլ քրոնիկ հիվանդություններով տառապող մարդկանց համար։

«100 տարի շարունակ Պետդեպարտամենտի քաղաքականությունը ներառել է հարկատուների համար ֆինանսական բեռ հանդիսացող վիզայի դիմորդներին մերժելու լիազորությունը», - ասել է նա։

Քելլին հավելել է, որ վարչակազմը ամերիկացիներին «առաջին տեղում» է դնում։ Նոր ուղեցույցները թույլ են տալիս մերժել մուտքը այն մարդկանց, ովքեր հետագայում կարող են կարիք ունենալ կառավարության կողմից ֆինանսավորվող բժշկական օգնության։