Գերմանիան հաստատել է 2026 թվականի բյուջեն՝ Ուկրաինային ռեկորդային օգնություն տրամադրելու մասին

Բունդեսթագը հաստատել է Գերմանիայի 2026 թվականի բյուջեի նախագիծը, որը ներառում է Ուկրաինային տրամադրվող 11,5 միլիարդ եվրո ֆինանսական օգնություն, հաղորդում է DPA լրատվական գործակալությունը։

Հանձնաժողովի նիստը տևել է մոտ 15 ժամ։ Սկզբում Գերմանիայի կառավարությունը նախատեսում էր Կիևին տրամադրվող օգնության համար ծախսել 8,5 միլիարդ եվրո, սակայն իշխող կոալիցիան, ի վերջո, որոշել է լրացուցիչ 3 միլիարդ եվրո հատկացնել։ Գործակալության տվյալներով՝ այս միջոցները կօգտագործվեն հրետանային զինամթերքի, անօդաչու թռչող սարքերի, զրահափոխադրիչների մատակարարման և երկու Patriot հակաօդային պաշտպանության համակարգերի «փոխարինման» համար։

Գերմանիայի պաշտպանության նախարարությունն արդեն հայտարարել է, որ սա Ուկրաինային տրամադրվող ամենամեծ ֆինանսական օգնությունն է, որը երկիրը երբևէ բյուջեում նախատեսել է։