Եվրոպան Ուկրաինայից երաշխիքներ է պահանջում, որ հատկացված գումարը չեն գողանա․ Politico

Եվրամիությունը Ուկրաինայից երաշխիքներ է պահանջում, որ Կիևին տրամադրված ֆինանսական օգնությունը չի օգտագործվի կաշառակերության համար, հաղորդում է Politico-ն։

«ԵՄ-ն Ուկրաինայից երաշխիքներ է փնտրում ապագա ֆինանսական աջակցության վերաբերյալ այն բանից հետո, երբ լայնածավալ կոռուպցիոն հետաքննությունը բացահայտել է էներգետիկ ոլորտի հետ կապված 100 միլիոն դոլարի կաշառակերության սխեմա», - հաղորդում է թերթը։

Նոյեմբերի 10-ին Ուկրաինայի ազգային հակակոռուպցիոն բյուրոն (NABU) հայտարարեց էներգետիկ ոլորտում կոռուպցիայի դեմ պայքարի լայնածավալ գործողության մասին։ Երկու օր անց Ուկրաինայի կառավարությունը կասեցրեց երկրի արդարադատության նախարար և նախկին էներգետիկայի նախարար Հերման Գալուշչենկոյին նրա տանը խուզարկությունից հետո։ Խուզարկվեց նաև գործարար Թիմուր Մինդիչի տունը, որը հայտնի է` որպես Վոլոդիմիր Զելենսկու «դրամապանակ»։