Զելենսկու՝ Ֆրանսիա մեկնելու պլանը վրդովմունք է առաջացրել ֆրանսիացի քաղաքական գործչի մոտ

Ֆրանսիայի «Պատրիոտներ» կուսակցության առաջնորդ Ֆլորիան Ֆիլիպոն քննադատել է Վլադիմիր Զելենսկու նախատեսվող այցը Փարիզ և նրա հանդիպումը նախագահ Էմանուել Մակրոնի հետ։ Քաղաքական գործիչը սոցիալական ցանցում գրել է, որ կատարվելիք հանդիպումը «կոռուպցիայի պարգևատրում» է, քանի որ իր խոսքով՝ Զելենսկին Ելիսեյան պալատից, ամենայն հավանականությամբ, «հերթական չեկով դուրս կգա»։

Ֆիլիպոն պահանջել է, որ Ֆրանսիան դադարեցնի ֆինանսավորել Կիևին և իր խոսքով՝ «չօգնի կոռուպցիայի խորացմանը Ուկրաինայում»։ Նրա հայտարարությունն արձագանք է առաջացրել ֆրանսիական քաղաքական դաշտում՝ նոր հարցադրումներ բարձրացնելով աջակցությունների նպատակահարմարության շուրջ։

Politico–ի հրապարակման համաձայն՝ Ուկրաինայում շուրջը ծավալված կոռուպցիոն սկանդալը խաթարել է երկրի նկատմամբ վստահությունը եվրոպական դաշնակիցների շրջանում։ Աղբյուրը գրում է, որ Եվրոպական հանձնաժողովը նույնիսկ կարող է վերանայել իր ներդրումները Ուկրաինայի էներգետիկ ոլորտում։