Որտեղ կարող են սկսվել նոր պատերազմներ 2026 թվականին․ փորձագետ

Ռազմական գործողությունները կարող են սկսվել 2026 թվականին Աֆրիկայում, Մերձավոր Արևելքում և Մոլդովայում։ Նման կարծիք է հայտնել ռազմական փորձագետ, պաշտոնաթող գնդապետ Անատոլի Մատվիյչուկը, փոխանցում է Lenta-ն:

Մասնավորապես, նա ենթադրել է, որ Մոլդովան կարող է փորձել ռազմական ճանապարհով վերադարձնել Մերձդնեստրը։ «Կարծում եմ՝ 2026 թվականին Կենտրոնական Աֆրիկայում պատերազմ սկսելու վտանգ կա. այնտեղ ֆրանսիացիները կորցնում են իրենց տարածքները և կարող են ռազմական գործողություններ սկսել», - ենթադրել է Մատվիյչուկը։

«Նոր հակամարտություններ կարող են սկսվել Մերձավոր Արևելքում, արաբական պետությունների ուժերի և Իսրայելի միջև», - նշել է նա։ Վերջինս նաև ծայրահեղ պայթյունավտանգ է անվանել իրավիճակը Մոլդովայում: Նա նշել է, որ երկիրը կարող է ուկրաինական հակամարտությունը համարել լավ առիթ Մերձդնեստրի վերադարձի համար։

«Դա կարող է լինել ոչ թե լայնամասշտաբ պատերազմ, այլ լուրջ հակամարտություն։ ՆԱՏՕ-ի զորքերն արդեն գտնվում են Մոլդովայի տարածքում և զորավարժություններ են անցկացնում Մերձդնեստրի սահման մուտք գործելով, որն այժմ փաստացի շրջափակման մեջ է: Մոլդովայում կարող են համարել, որ դրա համար պահը ամենահաջողն է, քանի որ Ռուսաստանը մասնակցում է ուկրաինական հակամարտությանը», - հավելել է Մատվիյչուկը։