Թրամփը մեղադրել է Լոնդոնի քաղաքապետին հանցագործներին աջակցելու մեջ

ԱՄՆ նախագահ Դոնալդ Թրամփը մեղադրել է Լոնդոնի քաղաքապետ Սադիկ Խանին քաղաքում հանցագործության աճի ֆոնին անգործության մեջ: ԱՄՆ առաջնորդի խոսքերով, Խանը «մեղմաբար» վերաբերվում է հանցագործներին և «հասարակապաշտ» է։

«Նա աղետ է, նա անպարկեշտ մարդ է, որը հանցագործությանը թողտվություն է տալիս», — հայտարարել է Թրամփը Բրիտանական GB News հեռուստաալիքին տված հարցազրույցում։ Նախագահը նշել է, որ Սադիկ Խանի մասին չի իմացել, եթե նրան չէին նշանակել քաղաքապետի պաշտոնում։

Թրամփի խոսքով, Եվրոպայում իրավիճակը «վհատեցուցիչ է». Բրիտանիայի մայրաքաղաքում, ինչպես նաև Փարիզում, կան թաղամասեր, որոնց մոտ նույնիսկ ոստիկանությունը չի ցանկանում մտնել, որտեղ գործում են շարիաթի օրենքները: «Այսօր մարդկանց դանակի հարվածներ են հասցնում ետևից, կամ ավելի վատ», — ասել է նա՝ հավելելով, որ քաղաքապետը թույլ է տալիս, որ ներգաղթյալները ապրեն շարիաթի օրենքներով՝ անտեսելով Բրիտանիայի օրենքները։

Ավելի վաղ ևս Թրամփը մեղադրել էր Սադիկ Խանին շարիաթի օրենքներին անցնելու մեջ՝ նշելով, որ Եվրամիության ներգաղթային քաղաքականությունը վերջնականապես կվնասի տարածաշրջանին։