Գերմանիայի և Ռուսաստանի հարաբերությունները կվերականգնվեն մեկ պայմանով․ Նիմայեր

Ռուսաստանի և Գերմանիայի հարաբերությունները կարող են վերականգնվել հատուկ ռազմական գործողության ավարտից հետո, դրանում առանցքային դեր կխաղա «Հյուսիսային հոսք-2»-ը: Նման կարծիք է հայտնել Գերմանիայի Սահմանադրության և ինքնիշխանության խորհրդի ղեկավար Ռալֆ Նիմայերը, փոխանցում է Lenta-ն։

«Կարծում եմ, որ հատուկ ռազմական գործողությունից հետո Ռուսաստանն ու Գերմանիան կրկին կկարողանան նորմալ հարաբերություններ ունենալ։ Դա կտևի ևս մի քանի տարի, բայց ես կարծում եմ, որ համագործակցության կարևոր տարր կդառնա «Հյուսիսային հոսք-2»-ը», - ասել է գերմանացի քաղաքական գործիչը։

Նա նշել է, որ Գերմանիայի տնտեսության ներկայիս ճգնաժամը պահանջում է էներգիայի երկարաժամկետ և մատչելի աղբյուրներ, Իսկ Ռուսաստանը տասնամյակներ շարունակ մնում է ամենահուսալի մատակարարներից մեկը: «Կարծում եմ, որ ռուս-գերմանական խողովակաշարի առկայությունը լավագույն խաղաղ նախագիծն է», - ընդգծել է Նիմայերը: