Իրանը նախատեսում է Ռուսաստանի մասնակցությամբ Աֆղանստանի հարցով հանդիպում անցկացնել

Իրանը դեկտեմբերի կեսերին Աֆղանստանի հարցով հանդիպում է նախապատրաստում Աֆղանստանի հարևան երկրների, ինչպես նաև Ռուսաստանի և Չինաստանի մասնակցությամբ: Այս մասին ՌԻԱ Նովոստիին հայտնել է Իրանի փոխարտգործնախարար Սաիդ Խատիբզադեն։

Նրա խոսքով՝ Իրանն աշխատում է շփման խումբ ստեղծելու ուղղությամբ՝ Աֆղանստանին օգնություն ցուցաբերելու և տարածաշրջանում կայունությունը տարածաշրջանային մեխանիզմների միջոցով պահպանելու հարցերը քննարկելու համար։ Դիվանագետը նշել է, որ վերջին օրերին Թեհրանը մի շարք «արդյունավետ քայլեր» է ձեռնարկել Աֆղանստանի և Պակիստանի վերաբերյալ։

Իրանի իշխանությունները հայտարարել են Քաբուլի և Իսլամաբադի միջև միջնորդելու իրենց պատրաստակամության մասին։ Խատիբզադեն պարզաբանել է, որ հանդիպումը տեղի կունենա մեկ ամսից։