Չինաստանի արտաքին գործերի նախարարությունը հայտարարել է՝ դեմ է Ռուսաստանի գործընկերների նկատմամբ պատժամիջոցներին

Չինաստանը դեմ է ՄԱԿ-ի Անվտանգության խորհրդի կողմից չհաստատված միակողմանի պատժամիջոցներին։ Այս մասին ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Մաո Նինգը՝ մեկնաբանելով ԱՄՆ-ի կողմից Ռուսաստանի հետ համագործակցող երկրների նկատմամբ պատժամիջոցներ կիրառելու մասին օրինագիծը, հաղորդում է ՌԻԱ Նովոստին։

«Չինաստանը մշտապես դեմ է միջազգային իրավունքում հիմք չունեցող և ՄԱԿ-ի Անվտանգության խորհրդի կողմից չհաստատված միակողմանի պատժամիջոցներին», - ասել է Մաո Նինգը՝ մեկնաբանելով ԱՄՆ նախագահ Դոնալդ Թրամփի կողմից օրինագծին աջակցությունը։

Հոկտեմբերին սենատոր Ջոն Թունը հայտարարել է, որ Հանրապետական ​​կուսակցությունը Ռուսաստանի դեմ նոր պատժամիջոցներ կիրառելու մասին օրինագիծը քվեարկության կդնի, երբ ԱՄՆ վարչակազմը անհրաժեշտ համարի։