Երևանում զինված անձը ներխուժել է բանկի մասնաճյուղ․ հափշտակվել է խոշոր չափի գումար

Այսօր՝ նոյեմբերի 17-ին, արտակարգ դեպք է տեղի ունեցել Երևանում․ զինված անհայտ անձը ներխուժել է Շինարարների 25 հասցեում գործող VTB բանկի մասնաճյուղ։

Նախնական տեղեկություններով՝ մինչև իրավապահների ժամանումը հարձակվողը գողացել է խոշոր չափի գումար, ինչից հետո դիմել է փախուստի։ Դեպքի վայրում աշխատում են ՆԳ նախարարության ոստիկանության ստորաբաժանումները՝ հանցագործին հայտնաբերելու ուղղությամբ։