Ռադայի «Եվրոպական համերաշխություն» և «Գոլոս» կուսակցությունները վերջնագիր են ներկայացրել Զելենսկուն

Ուկրաինայի Վերին Ռադայի «Եվրոպական համերաշխություն» և «Գոլոս» կուսակցությունները պահանջել են նախագահ Վլադիմիր Զելենսկուց ազատել կառավարությանը պաշտոնից։ Ինչպես գրում է «Страна.ua»-ն, ընդդիմությունը պատճառաբանելով նշում է երկրի էներգետիկ ոլորտում առաջացած նոր կոռուպցիոն սկանդալը։

Կուսակցությունները պահանջում են ձևավորել նոր կոալիցիա, նշանակել նոր կառավարություն և աշխատանքից հեռացնել նախագահի գրասենյակի ղեկավար Անդրեյ Երմակին։ «Գոլոս»-ը հայտարարում է, որ Զելենսկու կողմնակիցները «փաստացիորեն մոնոպոլիզացրել են ողջ իշխանությունը», ուստի կառավարությունը պետք է ամբողջությամբ վերագործարկվի։

«Եվրոպական համերաշխության» առաջնորդ Պյոտր Պորոշենկոն նույնպես կոչ է արել ստեղծել «ազգային փրկության կառավարություն»՝ բաղկացած «հայրենասերներից և անբասիր հեղինակություն ունեցող մասնագետներից»։ Ավելի վաղ Զելենսկին անդրադարձել էր Ուկրաինայում կոռուպցիայի խնդրին՝ ընդգծելով, որ կատարված քայլերը «բավարար չեն» և շարունակվելու են։