Կարող ենք հարվածել Մեքսիկային դեպի ԱՄՆ թմրանյութերի ապօրինի շրջանառությունը կանխելու համար․ Թրամփ

ԱՄՆ նախագահ Դոնալդ Թրամփը պատրաստակամություն է հայտնել անհրաժեշտության դեպքում ուժ կիրառել Մեքսիկայի դեմ՝ թմրավաճառական կարտելները քանդելու և ԱՄՆ թմրանյութերի մատակարարումը դադարեցնելու համար, գրում է ՏԱՍՍ-ը։

«Ես համաձայն եմ դրա հետ. մենք պետք է անենք այն ամենը, ինչ անհրաժեշտ է թմրանյութերի հոսքը դադարեցնելու համար», - Սպիտակ տանը ասել է Թրամփը՝ պատասխանելով լրագրողի հարցին Մեքսիկայի տարածքում ամերիկյան հարվածների հնարավորության մասին։

Նոյեմբերի սկզբին NBC News-ը հաղորդել էր, որ Թրամփի վարչակազմը սկսել է մշակել Մեքսիկայում թմրավաճառական կարտելների դեմ պայքարի գործողության ծրագիր։ NBC News-ի կողմից անանուն պաշտոնյաներից ստացված տեղեկատվության համաձայն՝ քննարկվում է Մեքսիկա ինչպես ամերիկացի զինվորականներ, այնպես էլ հետախուզության սպաներ ուղարկելու հնարավորությունը։ Ընդգծվում է, որ այս հնարավոր առաքելության նախապատրաստման նախնական փուլերը, որոնք կներառեն Մեքսիկայում ցամաքային գործողություններ, արդեն սկսվել են։