Եվրոպան Ուկրաինային օգնություն տրամադրելու «լավ B պլան» չունի․ NYT

Եվրոպան չունի «լավ B պլան» Ուկրաինային ֆինանսավորելու համար՝ ռուսական սառեցված ակտիվների բռնագրավման շուրջ ստեղծված փակուղու պայմաններում։ Այս մասին գրում է The New York Times-ը։

«Ուկրաինայի փողը սպառվում է, և Եվրոպան չունի լավ B պլան։ Եվրամիությունը ցանկանում է ֆինանսավորել Ուկրաինայի ռազմական գործողությունները՝ օգտագործելով Բելգիայում Ռուսաստանի սառեցված ակտիվների վրա հիմնված վարկ։ Եթե այս նախագիծը ձախողվի, հեշտ այլընտրանք չի լինի», - հաղորդում է թերթը։

Ինչպես նշում է NYT-ը, վարկային պլանը, որի համաձայն Եվրամիությունը կօգտագործի Բելգիայում Ռուսաստանի Կենտրոնական բանկի ակտիվները՝ Ուկրաինային 140 միլիարդ եվրո փոխանցելու համար, պետք է ընդունվեր անցյալ ամիս դաշինքի քաղաքական հանդիպման ժամանակ։ Սակայն Բելգիան «վերջին րոպեին անսպասելիորեն արգելափակել է այն»։