Թրամփի հատուկ դեսպանորդ Ուիթկոֆը չեղարկել է Թուրքիայում Զելենսկու հետ հանդիպումը․ Axios

ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթկոֆը չեղարկել է Ուկրաինայի նախագահ Վոլոդիմիր Զելենսկու հետ Թուրքիայում նախատեսված հանդիպումը, հաղորդում է Axios-ը՝ հղում անելով ԱՄՆ պաշտոնյաներին։

«Ուիթկոֆը պետք է հանդիպեր Զելենսկու հետ չորեքշաբթի օրը՝ Թուրքիայում, բայց հետաձգել է նրա այցը», - նշվում է հաղորդագրության մեջ։

Նոյեմբերի 19-ի առավոտյան հաղորդվել է, որ Զելենսկին ժամանել է Անկարա՝ Ուիթկոֆի և Թուրքիայի նախագահ Ռեջեփ Թայիփ Էրդողանի հետ բանակցությունների համար։ Ուկրաինայի առաջնորդին ուղեկցում էր Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը, որն ավելի վաղ աշխատանքային այցով մեկնել էր Միացյալ Նահանգներ։

Նախորդ օրը Զելենսկին հայտարարել էր, որ նոյեմբերի 19-ին նախատեսում է մի շարք հանդիպումներ անցկացնել Թուրքիայում՝ ուկրաինական հակամարտության կարգավորման շուրջ Ռուսաստանի հետ բանակցությունների վերսկսմանը նախապատրաստվելու համար։ Հաղորդվել է, որ Թրամփի հատուկ ներկայացուցիչ Ուիթկոֆը կմասնակցի Ուկրաինայի առաջնորդի հետ բանակցություններին։