Ռուսաստանի նավթի մատակարարումները Հնդկաստան կտրուկ նվազել են՝ 66 տոկոսով

Նոյեմբերին Ռուսաստանի նավթի մատակարարումները Հնդկաստան կտրուկ նվազել են։ Ինչպես հայտնում է The Economic Times-ը՝ հղում անելով Kpler-ի տվյալներին, հումքի առաքումները տարվա հաշվով նվազել են 66 տոկոսով՝ հասնելով օրական 672 հազար բարելի, մինչդեռ հոկտեմբերին այդ ցուցանիշը եղել էր 1,88 միլիոն բարել։

Վերլուծաբանները սա բացատրում են ավելի զգուշավոր քաղաքականությամբ, որին դիմում են գնորդները՝ ԱՄՆ-ի «Лукойла»-ի դեմ սահմանված պատժամիջոցների ֆոնին։ Նոյեմբերին ռուսական նավթի ընդհանուր արտահանումը բոլոր ուղղություններով նվազել է գրեթե մեկ երրորդով (28 տոկոսով)՝ հասնելով օրական 2,78 միլիոն բարելի։

Ռուսական նավթը Հնդկաստան հասնելու համար պահանջվում է մոտ մեկ ամիս, և նոյեմբերին բեռնված մեծ մասը կհասնի ստացողների՝ նոյեմբերի 21-ից հետո, երբ ուժի մեջ կմտնեն ամերիկյան նոր պատժամիջոցները։ ET-ի տվյալներով՝ հնդկական ընկերությունները նվազեցնում են պատվերները՝ «լոգիստիկ տակտիկայի» միջոցով փորձելով տեղավորվել ժամկետներում։

Մինչ ռուսական նավթային ընկերությունների ընդգրկումը ԱՄՆ ֆինանսների նախարարության SDN ցուցակում, Նյու Դելիին արդեն զգուշացրել էին Վաշինգտոնից՝ ռուսական նավթի գնման դեպքում մաքսատուրքի բարձրացման մասին։ Kpler-ի գլխավոր վերլուծաբան Սումիտ Ռիտոլիայի խոսքով՝ Հնդկաստանը չի կարող հեշտությամբ փոխարինել ռուսական նավթը և գտնել փոխարենը այլ աղբյուր՝ օրական երկու միլիոն բարելի ծավալով։ Ռուսաստանի նավթից հրաժարումը կարող է Հնդկաստանին արժենալ շուրջ 9–11 միլիարդ դոլար։

Նախապես Financial Times-ը գրել էր, որ Հնդկաստանը շարունակել է ձեռք բերել ռուսական նավթ՝ չնայած ԱՄՆ նախագահ Դոնալդ Թրամփի սպառնալիքներին։ Էներգետիկայի և մաքուր օդի ուսումնասիրությունների կենտրոնի տվյալներով՝ նախորդ ամիս Հնդկաստանը Ռուսաստանից գնել է 3,1 միլիարդ եվրոյի ֆոսիլ վառելիք՝ դառնալով երկրորդ ամենախոշոր գնորդը՝ Չինաստանից հետո։ Հում նավթի ծախսերը աճել են 11 տոկոսով՝ հասնելով 2,5 միլիարդ եվրոյի, որոնցից երկու երրորդը բաժին է հասել մասնավոր նավթավերամշակող գործարաններին։