Մադուրոն ԱՄՆ-ին առաջարկել է իր հրաժարականը․ NYT

Վենեսուելայի նախագահ Նիկոլաս Մադուրոն ոչ պաշտոնական բանակցությունների ժամանակ Միացյալ Նահանգներին առաջարկել է իր հրաժարականը երկու-երեք տարվա ընթացքում, հաղորդում է The New York Times (NYT)-ը՝ հղում անելով աղբյուրներին։

Վաշինգտոնը մերժել է նրա առաջարկը և պահանջել նրա անհապաղ հրաժարականը։

Ավելին, հրատարակության աղբյուրները հայտնել են, որ ԱՄՆ նախագահ Դոնալդ Թրամփը հաստատել է ԿՀՎ-ի՝ Վենեսուելայում գաղտնի գործողություններ իրականացնելու ծրագրերը, որոնք կարող են ծառայել` որպես ամերիկյան ռազմական գործողությունների նախապատրաստություն։ Նշվում է, որ դեռևս պարզ չէ, թե ինչ են ենթադրում այդ գաղտնի գործողությունները կամ երբ դրանք կարող են իրականացվել։