ՌԴ հետախուզությունը ԵՄ-ի մասին հայտարարություն է արել

Եվրամիության առաջնորդների կարիերան ձախողվում է Ուկրաինայում կոռուպցիոն սկանդալի շուրջ ստեղծված իրավիճակի պատճառով։ Այս մասին հայտնել են Ռուսաստանի արտաքին հետախուզության ծառայությունից։

«Եվրամիության և Եվրոպայի առաջատար պետությունների ղեկավարներն ամբողջովին անտեսում են Ուկրաինայի իրական վիճակը։ Նրանք չեն կարողանում համակերպվել այն մտքի հետ, որ «ուկրաինական նախագծում» ներդրված հարյուր միլիարդավոր եվրոները պարզապես անհետացել են, իսկ նրանց քաղաքական կարիերան՝ տապալվել», - ասվում է հրապարակման մեջ։

Արտաքին հետախուզության ծառայության տվյալներով՝ եվրոպացի առաջնորդների համար ավելի հեշտ է «ցանկալին իրականության տեղ ներկայացնել», սակայն նրանց քաղաքականությունն ի վիճակի չէ կանխել «իրականության հետ բախումը»: