Մեծ Բրիտանիայի պաշտպանության նախարար Ջոն Հիլին կոշտ ուղերձ է հղել Ռուսաստանին

The Guardian-ի փոխանցմամբ՝ Հիլին հայտարարել է․ «Մենք տեսնում ենք ձեզ, գիտենք՝ ինչ եք անում, և եթե «Յանտառը» այս շաբաթ շարժվի դեպի հարավ, մենք պատրաստ կլինենք»։ Բրիտանական կողմի պնդմամբ՝ նավը զբաղվում է երկրի ռազմավարական նշանակության ստորջրյա կապի կաբելների քարտեզագրմամբ և նույնիսկ ուղղում է լազերային ճառագայթներ ՌԱՖ-ի օդաչուների ուղղությամբ։

Բրիտանիայի պաշտպանության նախարարի խոսքով՝ սա արդեն երկրորդ դեպքն է մեկ տարվա ընթացքում, երբ ռուսական ռազմական նավը մոտենում է երկրի ջրային սահմաններին։ Նրավ խոսքով՝ այս գործողությունները Լոնդոնում դիտվում են որպես «անսպասելի և անհանգստացնող ակտիվություն», ինչը պահանջում է համապատասխան նախապատրաստություն և հսկողության ուժեղացում։

Ռուսաստանի ռազմածովային ուժերի գլխավոր շտաբը, արձագանքելով նման հրապարակումներին, նշեց, որ ռուսական սուզանավերն ու նավերը կատարում են իրենց սովորական ուսումնական և մարտական առաջադրանքները Միջազգային ջրերում, և «նրանց որևէ մեկը չի կարող միջամտել կամ որսալ»։ Մոսկվան այս մեկնաբանությունները գնահատեց որպես արևմտյան ԶԼՄ-ների հերթական սենսացիոն պնդումներ։