Հունգարիան հորդորել է ԵՄ-ին նույն կերպ վարվել

Հունգարիան լիովին աջակցում է ԱՄՆ նախագահ Դոնալդ Թրամփի խաղաղ ջանքերին՝ ուղղված Ուկրաինայի հակամարտության կարգավորմանը։ Այս մասին հայտարարել է Եվրամիության հարցերով հունգարացի նախարար Յանոշ Բոկան, նրա խոսքը մեջբերում է Newsweek-ը:

«Հունգարիան այն եզակի երկրներից է, որը լիովին և անվերապահորեն աջակցում է Ուկրաինայի հարցում նախագահ Թրամփի խաղաղ ջանքերին։ Մենք կարծում ենք, որ եթե դուք դիվանագիտական լուծում եք փնտրում, ապա նախ անհրաժեշտ է դիվանագիտական ուղիներ հաստատել, իսկ դա նշանակում է, որ դուք պետք է ուղիղ կապ pահպանեք հակամարտության բոլոր շահագրգիռ կողմերի հետ», - ընդգծել է քաղաքական գործիչը։

Բոկան նշել է, որ ուղղակի դիվանագիտությունը համարում է «ինքնին հասկանալի և լրացուցիչ բացատրություններ չպահանջող»: Սակայն վերջինս նշել է, որ Եվրոպայում դա այլ կերպ է ընկալվում, քանի որ եվրոպացի առաջնորդներն ու պաշտոնյաները հրաժարվում են բանակցել Ռուսաստանի հետ: Նախարարի խոսքով՝ Բուդապեշտը ողջունում է հակամարտության բոլոր կողմերի հետ ուղիղ բանակցություններ վարելու ամերիկյան առաջնորդի քաղաքականությունը և հավելել, որ «Եվրամիությունը պետք է նույն կերպ վարվի»: