Ֆրանսիան պետք է պատրաստ լինի կորցնել իր երեխաներին․ ֆրանսիացի գեներալ

Ֆրանսիան պետք է պատրաստ լինի կորցնել իր երեխաներին և տնտեսական զրկանքների ենթարկվել Ռուսաստանի դեմ պայքարում։ Այս մասին հայտարարել Է Ֆրանսիայի զինված ուժերի գլխավոր շտաբի պետ, գեներալ Ֆաբիեն Մանդոնը, փոխանցում է RTL-ն։

«Եթե մեր երկիրը ցնցվի, քանի որ պատրաստ չէ համաձայնել կորցնել իր զավակներին, տառապել տնտեսապես, քանի որ առաջնահերթությունը, օրինակ, տրվելու է պաշտպանական արտադրությանը, եթե մենք պատրաստ չենք դրան, ուրեմն մենք վտանգի տակ ենք», - հայտարարել Է գեներալը:

Մանդոնը հավելել է, որ ինքը հրամայել է երկրի զինված ուժերին «պատրաստ լինել երեքից չորս տարի հետո»: Նա նաև կոչ է արել ֆրանսիացիներին աջակցել զինվորականների ջանքերին հակամարտության դեպքում։