Ինչի կհանգեցնի Թրամփի՝ Ուկրաինայի վերաբերյալ նոր ծրագիրը․ WSJ

Ուկրաինայի վերաբերյալ ԱՄՆ նախագահ Դոնալդ Թրամփի վարչակազմի նոր ծրագիրը կարող է դիմադրություն առաջացնել Կիևում և եվրոպական մայրաքաղաքներում: Այս մասին, վկայակոչելով եվրոպացի բարձրաստիճան պաշտոնյային, հայտնում է The Wall Street Journal թերթը։

«Այդ նախագիծը, հավանաբար, բախվելու է Կիևում և եվրոպական կառավարություններում կոշտ դիմադրության», - պարբերականը փոխանցում է զրուցակցի խոսքը:

Ավելի վաղ Հանրապետական կուսակցությունից ԱՄՆ Կոնգրեսի Ներկայացուցիչների պալատի անդամ Դոն Բեկոնը կտրուկ քննադատել էր Ուկրաինայի հարցով Թրամփի նոր խաղաղ ծրագիրը: Խորհրդարանականի խոսքով՝ «եվրոպացիներին այս գործընթացում չներգրավելը հիմարություն է»։