ԱՄՆ-ն խաղաղության առաջարկներ է մշակում՝ հաշվի առնելով Ռուսաստանի և Ուկրաինայի դիրքորոշումները․ Ռուբիո

ԱՄՆ վարչակազմը մշակում է ուկրաինական հակամարտության կարգավորման առաջարկներ՝ հաշվի առնելով Ռուսաստանի և Ուկրաինայի դիրքորոշումները, և կարծում է, որ Մոսկվան և Կիևը պետք է զիջումների գնան: ԱՄՆ պետքարտուղար Մարկո Ռուբիոն այս մասին հայտարարել է X սոցիալական ցանցում։

Նա նշել է, որ կարգավորման համար անհրաժեշտ է «լուրջ և իրատեսական գաղափարների մանրամասն փոխանակում»։

«Խաղաղության հասնելը պահանջում է, որ երկու կողմերն էլ համաձայնվեն դժվար, բայց անհրաժեշտ զիջումների: Մենք մշակում և կշարունակենք մշակել ռազմական հակամարտության դադարեցման հնարավոր առաջարկների ցանկ՝ հիմնվելով երկու կողմերի կարծիքների վրա», - հայտարարել է ԱՄՆ պետքարտուղարը։