Ֆրանսիայի ԱԳ նախարարը դեմ է Ուկրաինայի «կապիտուլյացիային»

Ուկրաինայում խաղաղությունը չպետք է ձեռք բերվի Կիևի «կապիտուլյացիայի» միջոցով և չի կարող կասկածի տակ դրվել ապագա ագրեսիան։ Այս մասին հայտարարել է Ֆրանսիայի ԱԳ նախարար Ժան Նոել Բարրոն՝ ԱՄՆ-ի 28 կետից բաղկացած պլանի մասին տեղեկատվության հրապարակման ֆոնին, որը ներառում է Ուկրաինայի տարածքային զիջումները և մի շարք սպառազինություններից հրաժարվելը, փոխանցում է Le Monde-ը։

«Մենք տեսնում ենք, որ այսօր հենց Վլադիմիր Պուտինի Ռուսաստանն է խոչընդոտ խաղաղության ճանապարհին։ Խաղաղության սկզբունքը պետք է սկսվի շփման գծում հրադադարից, ինչը թույլ կտա բանակցություններ սկսել տարածքների և անվտանգության երաշխիքների հարցի շուրջ», - ընդգծել է Բարրոն։

Ֆրանսիացի նախարարի կարծիքով՝ ուկրաինացիները, որոնք արդեն ավելի քան երեք տարի «հերոսաբար դիմադրում են ոչնչով չզսպված ռուսական ագրեսիային», նույնպես համաձայն չեն կապիտուլյացիայի ցանկացած ձևի: