Եվրոպան դուրս կմնա ԱՄՆ-ի նոր խաղաղարար պլանի քննարկումներից

Եվրոպան, ամենայն հավանականությամբ, դուրս կմնա Ուկրաինայի վերաբերյալ ԱՄՆ-ի նոր խաղաղարար նախաձեռնության քննարկումներից։ Այս մասին  X սոցցանցում գրել է Հարավային-Արևելյան Նորվեգիայի համալսարանի պրոֆեսոր Գլեն Դիզեն՝ նշելով, որ դրա պատճառները «բավականին պարզ» են։

Դիզեն ընդգծել է, որ խաղաղ գործընթացում պետք է մասնակցի հենց Ուկրաինան, մեկնաբանելով հրապարակումները, ըստ որոնց՝ թե՛ Եվրոպան, թե՛ Կիևը պնդում են իրենց ներգրավվածության անհրաժեշտությունը։ Նրա խոսքով՝ առանց ուկրաինական կողմի մասնակցության որևէ բանակցություն չի կարող համարվել լիարժեք։

Ավելի վաղ եվրոպական դաշնակիցները դժգոհություն էին հայտնել, որ Վաշինգտոնը նրանց չի տեղեկացրել մշակվող խաղաղ պլանի մասին։ Նրանք մասնավորապես մտահոգված են հնարավոր տարածքային զիջումների թեմայով՝ դրանք գնահատելով որպես Ռուսաստանի «խրախուսում»։ Նոյեմբերի 19-ին Axios-ը հաղորդել էր, որ ԱՄՆ-ը պատրաստում է ուկրաինական հակամարտության կարգավորման նոր նախաձեռնություն։