Կիևը ԱՄՆ-ի խաղաղ պլանից հանել է մեկ կարևոր կետ

Կիևը էական փոփոխություններ է մտցրել հակամարտության կարգավորման ԱՄՆ խաղաղ ծրագրի կետերից մեկում։ Փաստաթուղթը ներառում էր դրույթ, որը պետք է օգներ բացահայտել կոռուպցիան Ուկրաինայի կառավարությունում, հայտնում է The Wall Street Journal թերթը:

Պարբերականի աղբյուրը հայտնել է, որ փաստաթղթի նախնական տարբերակում «Ուկրաինայի ստացած ամբողջ միջազգային օգնության աուդիտի անցկացման կոչ է եղել»: Բայց 28 կետից բաղկացած՝ համացանցում հայտնված փաստաթղթում տեղ գտած ձևակերպումներն արդեն փոխվել են։

Այս կետը բացառվել է՝ ավելացնելով խոսքեր հակամարտության ընթացքում կատարված գործողությունների համար կողմերի լիակատար համաներման մասին։ «Համացանցում հայտնված փաստաթղթի տարբերակն արդեն ներառում է Կիևի կատարած խմբագրումները», - ընդգծել է թերթը: