Ռուբիոն եվրոպացիներին խոստում է տվել

ԱՄՆ պետքարտուղար Մարկո Ռուբիոն խոստացել է, որ Վաշինգտոնը եվրոպացի գործընկերների հետ կքննարկի ԱՄՆ առաջնորդ Դոնալդ Թրամփի՝ Ուկրաինայում հակամարտության կարգավորման խաղաղ ծրագիրը: Այս մասին, հղում անելով եվրոպական բարձրաստիճան աղբյուրներին, հայտնում է The Wall Street Journal թերթը։

«Ռուբիոն ուրբաթ օրը բանակցություններ կվարի եվրոպական բարձրաստիճան պաշտոնյաների հետ, որոնք պատասխանատու են ազգային անվտանգության համար», - պարբերականն իր զրուցակիցների խոսքերն է փոխանցում:

Աղբյուրները նաև նշել են, որ Եվրամիության երկրները որևէ կերպ չեն մասնակցել Թրամփի ծրագրի ստեղծմանը և «մինչև այս պահը տեղեկացված չեն եղել ամերիկյան առաջարկի մասին»: