Մերցը փոխել է իր ողջ գրաֆիկը Ուկրաինայի համար․ Bild

Գերմանիայի կանցլեր Ֆրիդրիխ Մերցը հրատապ բանակցություններ կանցկացնի ԱՄՆ նախագահ Դոնալդ Թրամփի և նրա ուկրաինացի գործընկեր Վոլոդիմիր Զելենսկու հետ Ուկրաինայի հակամարտության վերաբերյալ: Այս մասին հայտնում է Bild-ը՝ հղում անելով իր աղբյուրներին։

Պարբերականի տվյալներով՝ Գերմանիայի կանցլերը չեղարկել է նոյեմբերի 21-ին իր մասնակցությամբ նախատեսված միջոցառումները՝ հանուն հակամարտության կարգավորման շուրջ հեռախոսազրույցների անցկացման:

Աղբյուրները հայտնում են, որ Մերցի զրուցակիցները կլինեն նաև Թրամփը և Զելենսկին: Նյութում նշվում է, որ բանակցությունների թեմաներն ու մանրամասները կհրապարակվեն «միայն գործընկերների հետ համաձայնեցմամբ»: