ԵՄ ղեկավարների անգործությունն Եվրոպային սպառնում է տնտեսական անկման երկար շրջան

Եվրոպական կենտրոնական բանկի նախագահ Կրիստին Լագարդը նախազգուշացրել է, որ եթե ԵՄ ղեկավարները շարունակեն խուսափել տնտեսական խթանման ուղղությամբ կոնկրետ քայլերից, Եվրոպան կարող է կանգնել տարիներով կորցրած առաջընթացի և դանդաղած բարեկեցության առաջ։ Bloomberg-ի փոխանցմամբ՝ Լագարդը ընդգծել է, որ արտահանման վրա հիմնված հին տնտեսական մոդելը այլևս չի համապատասխանում ժամանակի պահանջներին։

Նրա խոսքով՝ Եվրոպան դարձել է առավել խոցելի մի շարք գործոնների պատճառով, ներառյալ՝ անվտանգային ոլորտում և կարևոր հումքերի մատակարարման մեջ երրորդ երկրների նկատմամբ կախվածությունը։ Լագարդը նշեց, որ նոր ցնցումների հիմքում կանգնած են ԱՄՆ-ի սահմանած մաքսատուրքերը, Ուկրաինայի շուրջ ընթացող հակամարտությունը և Չինաստանի ուժեղացող մրցակցությունը։ Նա նաև ընդգծել է, որ ԵՄ միասնական ներքին շուկան «սառել» է և չի գործում իր ամբողջ ներուժով։

Լագարդը կոչ է արել խորացնել եվրոպական ինտեգրումը՝ համոզմունք հայտնելով, որ իրականում միասնական ներքին շուկան կդարձնի ԵՄ տնտեսությունը անկախ երրորդ երկրների որոշումներից։ Նրա խոսքով՝ անգործությունը ևս վեց տարի կլինի անպատասխանատու քայլ, քանի որ տարածաշրջանի ներկայիս թուլությունն արդեն սպառնում է Եվրոպայի երկարաժամկետ բարեկեցությանը։