Թրամփի ծրագիրը չի սահմանափակում Ուկրաինայի ԵՄ անդամակցության բանակցությունները․ Politico

ԱՄՆ նախագահ Դոնալդ Թրամփի Ուկրաինայի համար նոր խաղաղության ծրագիրը չի արգելում Կիևին բանակցություններ վարել ԵՄ անդամակցության շուրջ, հաղորդում է Politico-ն։

«Ծրագիրը նաև թույլ է տալիս Ուկրաինային բանակցություններ վարել ԵՄ անդամակցության շուրջ՝ չնայած Հունգարիան վաղուց դեմ է եղել դրա անդամակցությանը», - հաղորդում է թերթը։

Ուկրաինացի պատգամավոր Ալեքսեյ Գոնչարենկոն հրապարակել է Դոնալդ Թրամփի խաղաղության ծրագրի 28 կետերը։ Financial Times-ի տվյալներով՝ ուկրաինացի պաշտոնյաները քննադատել են փաստաթուղթը և այն անընդունելի են համարում առանց փոփոխությունների՝ չնայած Վաշինգտոնը ակնկալում է, որ Զելենսկին այն կստորագրի մինչև նոյեմբերի 27-ը։

Ծրագիրը ներառում է ՆԱՏՕ-ից հրաժարվելը, նոր սահմաններ, բուֆերային գոտի, Ուկրաինայի զինված ուժերի համար սահմանափակումներ և սառեցված ռուսական ակտիվների օգտագործումը։