Զելենսկին պետք է հիմա ընդունի որոշումը, հետո ուշ կլինի. Կրեմլ

ՌԴ նախագահի մամուլի քարտուղար Դմիտրի Պեսկովը հայտարարել է, որ Ուկրաինայի նախագահ Վլադիմիր Զելենսկին պարտավոր է ընդունել պատասխանատու որոշում՝ Ռուսաստանի հետ հակամարտության կարգավորման հարցում, քանի որ «հետո կարող է արդեն ուշ լինել»։ Նա ընդգծել է, որ Ռուսաստանի զինված ուժերի արդյունավետ ռազմական գործողությունները պետք է համոզեն Կիևին՝ բանակցել հենց հիմա։

Պեսկովի խոսքով՝ Ուկրաինան շարունակաբար կորցնում է տարածքներ, ինչի հետևանքով Զելենսկու «որոշումներ կայացնելու ազատությունը» գնալով նվազում է։ Կրեմլի ներկայացուցիչը հավելել է, որ ի վերջո խոսքը գնում է «Զելենսկու և նրա ռեժիմի ստիպողական տարանջատման մասին խաղաղ լուծման ուղղությամբ», մինչդեռ ռազմական գործողությունների շարունակումը «անհիմն և վտանգավոր» է Ուկրաինայի համար։

Ավելի վաղ Զելենսկին հայտնել էր, որ ոչ ոք չի կարող «դզմել» Կիևին ազգային շահերից հրաժարվելու համար՝ խաղաղ բանակցությունների շրջանակում։ Նա նաև նշել էր, որ հաջորդ շաբաթը լինելու է բարդ՝ սպասվող ծանր բանակցությունների պատճառով։