Զելենսկին և ԵՄ-ը կփորձեն ազդեցություն ունենալ Թրամփի խաղաղ պլանի վրա

ԱՄՆ նախագահ Դոնալդ Թրամփը հակված է քաղաքական կտրուկ փոփոխությունների, և Եվրոպան ու Ուկրաինայի նախագահ Վլադիմիր Զելենսկին անպայման փորձեր կձեռնարկեն ազդելու նրա խաղաղ նախաձեռնության վրա։ Այս մասին «Լента.ру»-ին տված հարցազրույցում հայտարարել է Ռուսաստանի ֆինանսական համալսարանի քաղաքականագետ Ալեքսանդր Կոնյկովը՝ ընդգծելով, որ Թրամփը դրական չի արձագանքում ճնշման մեթոդներին։

Քաղաքագետը նշել է, որ Թրամփը հաճախ փոխում է իր սկզբնական դիրքորոշումը՝ կախված նրանից, թե որ արևմտյան առաջնորդների հետ է շփվել։ Նրա խոսքով՝ Եվրոպան ու Կիևը, ամենայն հավանականությամբ, չեն գնա ճնշման ուղով, այլ կներկայացնեն նոր փաստարկներ՝ փորձելով առաջարկել այլընտրանքային մոտեցումներ, որոնք կարող են գրավել ԱՄՆ նախագահին։

Կոնյկովը հավելել է, որ Ռուսաստանը մտադիր է շարունակի իր քաղաքական գիծը՝ կենտրոնանալով տարածաշրջանային անվտանգության վերաբերյալ սեփական մտահոգությունների վերացման վրա։ Ավելի վաղ Axios-ը հրապարակել էր Թրամփի խաղաղ պլանի 28 կետերը, որոնք ներառում են Ուկրաինայի դուրսբերումը Դոնեցկի և Լուգանսկի տարածքներից, ինչպես նաև Կրիմն ու Դոնբասը Ռուսաստանի մաս ճանաչելը։