Վենսը նշել է Ուկրաինայի հարցով խաղաղ ծրագրի գլխավոր բնութագրերը

ԱՄՆ փոխնախագահ Ջեյ Դի Վենսը նշել է այն հիմնական բնութագրերը, որոնք պետք է գրվեն Ուկրաինայի հարցով խաղաղ պլանում: Այս մասին նա հայտնել է X-ում։

Նրա կարծիքով՝ առաջին հերթին ուկրաինական խաղաղության ծրագիրը պետք է«դադարեցնի սպանությունները»։ Միևնույն ժամանակ կարևոր է պահպանել երկրի ամբողջականությունը։

ԱՄՆ փոխնախագահը նաև հայտարարել է, որ հակամարտության կարգավորման ծրագիրը պետք է ընդունելի լինի ինչպես Ռուսաստանի, այնպես էլ Ուկրաինայի համար:

«Բացի այդ, անհրաժեշտ է մեծացնել հավանականությունը, որ պատերազմը չի վերսկսվի», նշել է Վենսը՝ խոսելով խաղաղության ծրագրի երեք կարևորագույն հատկանիշների մասին։