Գիտնականները ցանկանում են «մարել» Արեգակը․ «New Yorker»

«New Yorker»-ը հաղորդում է, որ «Stardust» ընկերությունը որոշել է նվազեցնել Արեգակի պայծառությունը՝ Երկրի ջերմաստիճանը իջեցնելու համար։

Ընկերությունը գտնվում է Իսրայելում և գրանցված է Դելավերում։ Այս հավակնոտ գաղափարի հեղինակները ցանկանում են կիրառել հրաբխային ժայթքումների սկզբունքը, երբ միլիոնավոր տոննա ծծմբի երկօքսիդը արևի լույսը հետ է արտացոլում տիեզերք։ Սա կնվազեցնի մոլորակի մակերևույթի ջերմաստիճանը։

Ընկերությունը այս սխեման նկարագրել է որպես «արևի լույսի անդրադարձման տեխնոլոգիա» կամ գեոինժեներիա։ Ըստ ամսագրի՝ այս գաղափարը տասնամյակներ շարունակ շրջանառվում է, բայց ընկերությունը մեծ, բայց «վախեցնող քայլ» է կատարել։ Նրանք պլանավորում են նորարարական մասնիկներ ցողել ամպերի վերևում, որտեղ դրանք կձևավորեն «հայելի»՝ նվազեցնելով արևի ջերմային ազդեցությունը։

Միևնույն ժամանակ, գիտնականները հրաժարվել են բացահայտել անդրադարձնող մասնիկների կազմը՝ ընդգծելով, որ դրանք լիովին անվտանգ են մարդկանց և էկոհամակարգերի համար։ Ընկերության համահիմնադիր Յանաի Եդվաբի խոսքով՝ իրենք չեն ծրագրում իրենց ուժերով ներդնել մշակվող տեխնոլոգիաները, քանի որ դա կպահանջի հսկայական ծախսեր և ռեսուրսներ։