«Տիտանիկի» խորտակման ժամանակ խեղդված զույգին պատկանող ժամացույցը աճուրդում վաճառվել է ռեկորդային գնով

1912 թվականին «Տիտանիկ» նավի խորտակման ժամանակ խեղդված զույգին պատկանող ժամացույցը աճուրդի ժամանակ վաճառվել է ռեկորդային 1.78 միլիոն ֆունտ ստեռլինգով (2.33 միլիոն դոլար)։

Ժյուլ Յուրգենսենի կողմից պատրաստված գրպանի ոսկե ժամացույցը պատկանել է գերմանա-ամերիկացի ձեռնարկատեր Իսիդոր Շտրաուսին, որը «Macy's»՝ ամերիկյան ամենամեծ հանրախանութների ցանցի համասեփականատերն է եղել։ Նա նավով ճանապարհորդում էր կնոջ՝ Իդայի հետ։  Շտրաուսը նավի խորտակման ժամանակ հրաժարվել է տեղ զբաղեցնել փրկարար նավակում՝ իր կնոջ հետ որոշելով կիսել նավի մյուս ուղևորների ճակատագիրը։ Նշվում է, որ Շտրաուսները իրենց աղախնին տեղ են տվել փրկարար նավակում։

Իսիդորի և Իդա Շտրաուսների վերջին պահերի պատմությունը ներկայացվել է Ջեյմս Քեմերոնի՝ 1997 թվականի «Տիտանիկ» ֆիլմում։ Նրանք պատկերված են միասին ջրով լցված նավախցիկ։

Իսիդոր Շտրաուսի մարմինը որոնողական խմբի կողմից հայտնաբերվել է նրա իրերի, այդ թվում՝ ժամացույցի հետ միասին։ Դրանք, ի վերջո, հանձնվել են նրա ժառանգներին։ Իդայի մարմինը երբեք չի գտնվել։