Որևէ մեկն իրավունք չունի դերասանին սովորեցնել, թե ոնց պետք է խաղա և ինչ պետք է լինի ներկայացման իմաստը․ Հրանտ Թոխատյան

Որևէ մեկը, անկախ նրանից` ինքն ինչ պաշտոնի է, իրավունք չունի դերասանին սովորեցնել, թե ոնց պետք է խաղա և ինչ պետք է լինի ներկայացման իմաստը, «Լուրջ Cast»-ի ընթացքում ասել է դերասան Հրանտ Թոխատյանը՝ անդրադառնալով այն դիտարկմանը, որ Փաշինյանը ներկա է գտնվել «Ցանկապատ» ներկայացմանը, այնուհետև այն քննադատել:

«Նախկինում էլ կային ներկայացումներ, որ բավականին ռիսկով էին, ու որևէ մեկը դիտողություն չէր անում։ Մեր ներկայացումներից մեկը եկել էր  նախագահներից մեկը նայելու, որից հետո խնդրեց հանդիպենք։ Մի կտոր կար, որ չէր հավանել,  ասացի՝ բայց դա իրականում այդպես է, ասեց՝ լավ, ես էլ բան չունեմ ասելու։ Ինքը չհամարեց իր իրավասության մեջ՝ խորհուրդ տալ այլ կերպ խաղալ»,- ավելացրել է դերասանը։