«Ռոման» վստահ հաղթանակ տարավ

Իտալիայի առաջնության 12-րդ տուրում «Ռոման» հյուրընկալվեց «Կրեմոնեզեին» եւ առավելության հասավ 3:1 հաշվով։ 

Իտալացի Ջան Պիերո Գասպերինիի գլխավորած թիմից գոլերը խփեցին արգենտինացի հարձակվող Մատիաս Սոուլեն, իռլանդացի հարձակվող Էվան Ֆերգյուսոնը եւ բրազիլացի պաշտպան Ուեսլի Ֆրանսան։

«Ռոման» 27 միավորով առաջատարն է եւ 2 միավոր գերազանցում է երկրորդ տեղում գտնվող չեմպիոն «Նապոլիին»։ «Ռոմային» հավասարվելու հնարավորություն ունի 24 միավորով երրորդ տեղում գտնվող փոխչեմպիոն «Ինտերը», որն այս տուրում կմրցի «Միլանի» հետ։