Ոսկու գինը շարունակում է աճել

Նյու Յորքի NYMEX բորսայի նոյեմբերի 6-ի առևտրային նստաշրջանի տվյալներով՝ թանկարժեք մետաղների գները տարբեր միտումներ են արձանագրել։ Ոսկու գինը աճել է 0.37%-ով՝ հասնելով 3995.00 ԱՄՆ դոլարի մեկ տրոյական ունցիայի դիմաց։

Արծաթի գինը, հակառա միտումով, նվազել է 0.15%-ով և կազմել 47.79 դոլար մեկ տրոյական ունցիայի դիմաց։ Պլատինի գինը նույնպես գրանցել է անկում՝ նվազելով 1.39%-ով և հասնելով 1543.50 դոլարի։ Չափման միավորը մեկ տրոյական ունցիան է, որը համարժեք է 31.1 գրամի։

Նյու Յորքի NYMEX (New York Mercantile Exchange) ֆյուչերսային բորսան գործում է երկու հիմնական ուղղություններով՝ NYMEX բաժնում իրականացվում են նավթի, գազի, պլատինի, պալադիումի, ածխի, էլեկտրաէներգիայի և ածխածնի արտանետումների առևտուր, իսկ COMEX բաժնում՝ ոսկու, արծաթի, պղնձի և ալյումինի։