Լեռնային Ղարաբաղ. հին խնդիրը չի մոռացվել. Los Angeles Times

Ամերիկյան հեղիկանակավոր Los Angeles Times պարբերականն անդրադարձ է կատարել Լեռնային Ղարաբաղի հակամարտությանը: Վերջինիս հոդվածագիր Քերոլ Վիլյամսը գրում է. «Հայ-ադրբեջանական շփման կրակագծում պարբերաբար կրկնվող դիպուկահարների կրակոցները առօրյա երևույթ են արդեն 19 տարի շարունակ՝ չնայած այն բանին, որ երկու կողմերն էլ սրտի մրմուռով պահպանում են հրդադարի մասին համաձայնությունը: Երկու կողմերն էլ կոչեր են հնչեցնում հակառակորդի նկատմամբ միանշանակ տարվող հաղթանակի մասին: Սա աշխարհի ամենավառ և կատաղի զինված հակամարտություններից մեկն է»,- կարծում է հեղինակը:

«Փետրվարի 25-ին լրանում է ադրբեջանական հայաշատ Սումգայիթ քաղաքում ազգայնականների կողմից 31 հայերի սպանության 25-ամյակը, ուր կատաղած ադրբեջանական ամբոխին զոհ գնացին այդ քաղաքացիները: Դա դժգոհության պայթյուն էր նրանց կողմից, որը նման միջոցով արտահայում էին Լեռնային Ղարաբաղի նկատմամբ հայերի ձեռք բերած հսկողության հանդեպ:

Այդ տարելիցի լրանալը, Հայաստանում կայանալիք նախագահական ընտրությունները, ինչպես նաև Սիրիայից տարահան եղած հայ ընտանինքերի բնակեցումը Լեռնային Ղարաբաղում նոր լիցք է հաղորդում վրդովմունքի ալիքին»,- նշում է հեղինակը և իր հոդվածում ավելացնում, որ մոտենում է նոր մահացու բախում:

Այսպիսով, շարունակում է հեղինակը, ինչու հեռավոր և աղքատիկ Լեռնային Ղարաբաղը հանկարծ նման կարևորություն ստացավ երկու կողմի համար էլ: Դա յուրօրինակ կարևոր միջանցք է ոչ միայն էներգետիկ իմաստով, այլ նաև ծովային փոխադրամիջոցների համար, իր հարցին պատասխանում է հեղինակը՝ մեջբերելով International Crisis Group-ին: Եթե հայ-ադրեջանական պատերազմը կրկին սկսվի, այն կներառի ողջ տարածաշրջանը:

Ամերիկյան նավթային ընկերությունները նեդրումներ են կատարում Ադրբեջանում, իսկ ամերիկահայերը հուզական կապերով շարունակում են կապված մնալ աշխարհագրական այդ հայրենիքնին: Ռուսաստանին էլ, իր հերթին, խաղաղ իրավիճակ է պետք Կասպից և Սև ծովերում իր քաղաքականությունը վարելու համար:

Սեփական դիրքորոշումն ունի նաև Թուրքիան: 100 տարի անց Թուրքիան պատրաստ է վերականգնել Հայաստանի հետ իր հարաբերությունները՝ պայման դնելով Ադրբեջանին զիջել Լեռնային Ղարաբաղը:

Ընդհանուր առմամբ, ո՛չ Հայասատնը, ո՛չ էլ Ադրբեջանը ոչինչ չեն շահելու պատերազմի վերսկսման դեպքում: Սակայն վիճելի տարածքի հարցը հաճախ հասնում է հիստերիայի, գրում է հեղինակը: Այս երկուշաբթի Ադրբեջանի ԱԳՆ-ը Լեռնային Ղարաբաղում սիրիահայ փախստականներին բնակեցնելու քայլն անվանեց սադրանք և ժողովրդագրական պատկերը փոխելուն ուղղված քայլ:

Վաշինգտոնում Լեռնային Ղարաբաղի մշտական ներկայացուցիչը իր հերթին հայտարարեց, որ Ադրբեջանը քաղաքականացնում է հումանիտար նպատակներով ձեռնարկված քայլը, այն է՝ փրկել Հալեպ քաղաքի ռմբակոծությունների տարափից փախած էթնիկ հայերին: Հալեպում ապրում է 80 հազար էթնիկ հայ, իսկ ներկայացուցչի խոսքերով՝ Լեռնային Ղարաբաղում հաստատվել է ընդամենը 30 սիրիահայ ընտանիք: