Առատ ձյունը խափանել է Եվրոպայի օդային հաղորդակցությունը.Die Welt

Մի շարք եվրոպական երկրներում առատ տեղացող ձյան և ձնախառն անձրևների պատճառով խափանվել է օդային հաղորդակցությունը, հայտնում է Reuters-ը:

Լոնդոնի Հիթրոու օդանավակայանում հետաձգվել է 260 չվերթ, ինչը կազմում է բոլոր թռիչքների 20%-ը: Չվերթների հետաձգումը շարունակվում է արդեն 3 օր: Օդանավակայանում դա բացատրում են վատ եղանակային պայմաններով և զրոյական տեսանելիությամբ:

Փարիզի Շառլ դե Գոլ և Օռլի օդանավակայանները հետաձգել են իրենց չվերթների 40%-ը: Խոսքը գերազանցապես գնում է ներքին չվերթների մասին:

Աշխարհում իր ծանրաբեռնվածությամբ 3-րդ՝ Ֆրանկֆուրտի օդանավակայանն ընդհանրապես մի քանի ժամ շարունակ փակ էր: Չվերթների քանակը կրճատվել է 3 անգամ, մեջբերում է գերմանական թերթը:

Ակնկալվում է, որ եվրոպական օդանավակայաններում չվերթների հետաձգումները շարունակվելու են նաև երկուշաբթի, քանի որ օդերևութաբանները կրկին առատ ձյուն են կանխատեսում: