Ադրբեջանում նավթի արտադրության ծավալների իջեցումն իրական սպառնալիք է տնտեսության համար. The National Interest

The National Interest ամերիկյան վերլուծական պարբերականն իր հոդվածում անդրադարձ է կատարել Ադրբեջանի Հանրապետությանը` նշելով, որ 2013-ը հաջող տարի չի սպասվում երկրի համար: Նավթային սեկտորի հետ կապված բարդությունները, սպասվող նախագահական ընտրությունները և Հայաստանի հետ լարվածությունների հավանականությունը մարտահրավերներ կլինեն Ադրբեջանի կառավարության համար: 

Ադրբեջանը նախկին Սովետական հանրապետություններից ամենաշատ նավթ արտադրող պետություններից մեկը խնդիրներ կունենա նավթային սեկտորի հետ կապված: Այսպես, 2012-ին Ադրբեջանում արտադրվել է 39,3 տոննա նավթ, որը 7,35 % քիչ է, քան անցած տարվա ընթացքում էր: Միևնույն ժամանակ ԱՄՆ Ադրբեջանից ներմուծել է 13 մլն բարրել նավթ, որը անցած տարվա ընթացքում 20 մլն էր: Տնտեսության և սոցիալական զարգացման կենտրոնը նշել է, որ նավթային վերելքը երկրում միտված է իր ավարտին հասնել մոտակա տարիների ընթացքում: Հաշվի առնելով այն հանգամանքը, որ Ադրբեջանի տնտեսությունը կախված է նավթից, ապա նավթի արտադրության իջեցումը կարող է իրական սպառնալիք լինել երկրի տնտեսությանը: 

Իլհամ Ալիևը կարծես միտում ունի ընտրվել երրորդ շրջանում: Անցած նախագահական և խորհրդարանական ընրությունների ժամանակ կառավարող Յենի Ազերբայջան կուսակցությունը կարողացավ հաղթանակ տանել, չնայած, որ արձանագրվեցին բազմաթիվ խախտումներ: Սակայն եվրատեսիլի երգի մրցույթի պատճառով ավելի մեծ ուշադրության է առաջանում երկրում քաղաքական զարգացումները: 

Ադրբեջանում քաղաքական անկայունությունը խրախուսող բաղադրիչ չէ հաշվի առնելով Հայաստանի հետ սառը պատերազմի պայմանները: Հայաստանում այս տարի նույնպես սպասվում են քաղաքական ընտրություններ, ուստի արդար և թափանցիկ ընրություններ ունենալը շատ կարևոր հանգամանք է: