Թրամփը դիտարկում է ռազմական գործողությունների տարբերակներ Իրանի դեմ․ WSJ

ԱՄՆ նախագահ Դոնալդ Թրամփը դիտարկում է ռազմական գործողությունների տարբերակներ Իրանի դեմ և այդ ուղղությամբ համապատասխան առաջարկներ է սպասում իր օգնականներից: Այս մասին գրում է The Wall Street Journal–ը՝ հղում անելով աղբյուրներին։

Աղբյուրների համաձայն՝ Թրամփի այս դիտարկումը ոգեշնչել է նրա օգնականներին Պենտագոնում և Սպիտակ տանը մշակել մի շարք տարբերակներ, այդ թվում՝ Իրանում իշխանափոխության։

Նույն աղբյուրների փոխանցմամբ, կան նաև ավելի «համեստ» առաջարկներ, որոնք նախատեսում են կետային հարվածներ Իսլամական հեղափոխության պահապանների կորպուսի օբյեկտներին։

Թերթի տվյալներով, այս ֆոնին ԱՄՆ-ն Միջերկրածովյան և Մերձավոր Արևելքի ուղղությամբ ուղարկում է ավիակիր նավ և F-15E կործանիչներ, որոնք կարող են լինել ռազմական ուժի ավելի լայնածավալ ավելացման սկիզբը։