ԿԸՀ–ն պաշտոնապես հրաժարվել է Յավլինսկուն նախագահի թեկնածու գրանցելուց

«Яблоко» կուսակցության համահիմնադիրներից Գրիգորի Յավլինսկու նախագահի թեկնածու առաջադրվելու դիմումը Ռուսաստանի դաշնության Կենտրոնական ընտրական հանձնաժողովը պաշտոնապես մերժել է, հաղորդում է Интерфакс-ը։ 

Ինչպես հաղորդում է լրատվական գործակալությունը՝ համաձայն ԿԸՀ–ի որոշման Ռուսաստանի ընդդիմադիր կուսակցության ղեկավար Գրիգորի Յավլինսկին դադարեցնում է նախագահական ընտրապայքարին իր հետագա մասնակցությունը։  

ИТАР-ТАСС լրատվական գործակալության հաղորդմամբ՝ ԿԸՀ–ն Յավլինսկու թեկնածությունը չգրանցելու որոշումը պատճառաբանել է թեկնածուի կողմից ներկայացրած  ստորագրությունների կեղծ լինելու փաստով։ 

Հիշեցնենք, որ Յավլինսկու ղեկավարած կուսակցությունը նույնպես չէր ընդունել 2011 թվականի դեկտեմբերի 4–ին ՌԴ Պետդումայի ընտրությունների պաշտոնական արդյունքները։