Փորձագետը մեկնաբանել է ԱՄՆ կոչը՝ քաղաքացիներին լքել Իրանը

Քաղաքագետ-ամերիկագետ Մալեկ Դուդակովի կարծիքով՝ ԱՄՆ քաղաքացիներին Իրանը լքելու կոչը պարտադիր չի նշանակում, որ մոտ ապագայում ռազմական բախում է սկսվելու։ Այդ մասին նա ասել է «Լենտա.ռու»-ին տված մեկնաբանությունում։

Դուդակովը նշել է, որ նման նախազգուշացումները ԱՄՆ իշխանությունները պարբերաբար հրապարակում են տարբեր երկրների վերաբերյալ՝ անվտանգության գնահատման համակարգի շրջանակում։ Նրա խոսքով՝ Իրանը երկար ժամանակ դասվում է բարձր ռիսկային երկրների շարքին, և նման հայտարարությունները կարող են լինել կանխարգելիչ բնույթի։

Ավելի վաղ ԱՄՆ «Վիրտուալ դեսպանությունը» կոչ էր արել ամերիկացիներին հնարավորինս արագ լքել Իրանը կամ, եթե դա անհնար է, գտնել անվտանգ ապաստան և անհրաժեշտ պաշարներ պատրաստել։ Փորձագետի գնահատմամբ՝ լարվածության սրման հավանականությունը պահպանվում է, սակայն դիվանագիտական լուծման հնարավորությունը նույնպես շարունակում է գոյություն ունենալ։