Իրանի ԱԳՆ ղեկավարը կոչ է արել Իսրայելի նկատմամբ պատժամիջոցներ կիրառել

Իսրայելի ագրեսիայի հարցը Պաղեստինի հանդեպ ռազմավարական նշանակություն ունի ողջ Միջին Արևելքի ապագայի համար, և Թել Ավիվի նկատմամբ պետք է կիրառվեն պատժամիջոցներ, հայտարարել է Իրանի ԱԳՆ ղեկավար Աբբաս Արաղչին։

 

«Պաղեստինի հարցը ռազմավարական բնույթ ունի և վերաբերում է տարածաշրջանի (Միջին Արևելք) ապագային և աշխարհի հարթության վրա գործող կանոններին:

 

Մենք կոչ ենք անում կիրառել համապարփակ, նպատակային պատժամիջոցներ Իսրայելի նկատմամբ, ներառյալ՝ զենքի մատակարարումների անմիջական արգելքը, ռազմական և հետախուզական համագործակցության դադարեցումը, իշխանության ներկայացուցիչների նկատմամբ սահմանափակումների իրականացումը և առևտրային գործարքների արգելքը», — հայտարարել է նախարարն իր ելույթում՝ մասնակցելով Al-Jazeera հետազոտական կենտրոնի 17-րդ ֆորումին՝ «Պաղեստինի հարցն ու տարածաշրջանային ուժերի հավասարակշռությունը ձևավորվող բազմաքաղաքակրթական աշխարհի համատեքստում»։