Իրանը վերականգնել է իր միջուկային օբյեկտները ԱՄՆ-ի հարվածներից հետո

Իրանը արագ վերականգնել է մի քանի միջուկային օբյեկտներ և վերսկսել բալիստիկ հրթիռների արտադրությունը ԱՄՆ-ի և Իսրայելի հարվածներից հետո։ Այս մասին գրում է The New York Times-ը։

Հրապարակման համաձայն՝ արբանյակային պատկերների վերլուծությունը ցույց է տալիս, որ վերջին ամիսներին վերանորոգումներ են իրականացվել Իսլամական Հանրապետության հրթիռային ծրագրի հետ կապված մոտ 10 օբյեկտներում։ Դրանց թվում են արտադրական օբյեկտներ, այդ թվում՝ Շահրուդի փորձարկման կայանում, որտեղ գտնվում է Իրանի ամենամեծ և ամենաժամանակակից պինդ վառելիքի հրթիռների գործարանը։

Նշվում է, որ դեկտեմբերին առնվազն երկու օբյեկտների վրա տանիքներ են տեղադրվել։ Այնուամենայնիվ, անհնար է հուսալիորեն որոշել, թե արդյոք շենքերի ներսում աշխատանքներ են ընթանում, թե ոչ։